Likar du å lage mat som smakar skikkeleg godt?

Fjordane Folkehøgskule søkjer etter ein kokk som vil lage smakfulle og næringsrike måltid til både elevar og kursgjestar. Stillinga er 60-80 % i turnus, noko som betyr at du vil jobbe både dagtid, kveldar og nokre helger, i perioden 1. april – 30. september, med moglegheit for forlenging.  

Meir om jobben  
På Fjordane handlar mat om meir enn å mette magar. Vi legg vekt på gode smakar, lokale råvarer og heimelaga mat som gir energi i kvardagen og som gjer oss godt. Matglede er derfor viktig, og matintoleransar er ingen hindring. Kvar veke har vi ein til to kjøttfrie dagar og vi tilbyr alltid vegetariske og veganske alternativ til elevane våre.  

I tillegg til maten, er det menneska som gjer denne arbeidsplassen ekstra kjekk. Du vil jobbe tett på elevane, så eit smil over grytene eller litt latter under oppvasken er bra, for her blir du ein viktig del av eit levande skulemiljø. 

Kva vil dine arbeidsoppgåver vere? 

• Lage smakfulle rettar, både kalde og varme, til frukost, lunsj, middag og kvelds 

• Planlegge vekesmenyar saman med kjøkkenteamet 

• Sørge for godt reinhald på kjøkkenet, matsalen og elles rundt deg 

• Følgje våre rutinar for HMS og mattryggleik

Kven ser vi etter?  
Vi er ikkje så opptatt av at du må ha fagbrev – det viktigaste er at du likar å lage mat og trivst på kjøkkenet. Kanskje har du jobba med mat før eller kanskje er du den som alltid lagar mat når vennegjengen samlast? 

Vi trur du passar inn hos oss om du: 

• Har stor interesse for mat og gode råvarer, og likar deg på kjøkkenet 

• Trivst å vere rundt ungdommar og er energisk 

• Har eit smil på lur og likar å jobbe saman med andre 

• Synest det er kjekt å eksperimentere med nye smakar 

• Kan jobbe turnus, inkludert kveldar og helger 

• Er fleksibel og tek i eit tak der det trengst 

Kva kan du vente deg? 

• Ein variert kvardag der du får lage mat frå botnen av 

• Moglegheit til å jobbe med kortreiste råvarar og sjølvdyrka mat 

• Ein triveleg arbeidsplass med kjekke kollegaer 

• Tilgang på treningsrom med eit stort utval av apparat  

• Løn etter tariff gjennom Virke 

• Pensjonsordning- og medlemskap i KLP

Om oss

Fjordane Folkehøgskule ligg på Nordfjordeid, i Stad kommune på Vestlandet. Vi er ein frilynt skule med eit breitt spekter av linjer. Her møtast ungdommar frå inn- og utland for å oppleve eit år med glede, meistring og nye vennskap – heilt utan karakterpress.  

Vi er stolte av å: 

• vere Miljøfyrtårn-sertifisert som vise at vi tar miljø- og samfunnsansvar på alvor 

• bruke Fairtrade-produkt som styrkar bønder og arbeidarar i fattige land  

• vere Debio bronsegodkjent, dvs. at minst 15% av matserveringa vår er økologisk 

Når skuleåret er over, blir vi i perioden 15.mai til 15.august ein konferansestad, med faste arrangement.  
 

Fekk du lyst til å søkje?  

Om dette freistar, håpar vi at du sende søknad og CV på e-post til rektor@fjordane.fhs.no innan
23. mars 2025. Har du spørsmål, ring rektor Silvia van Hesik Førde på telefon 926 12 455, eller internatleiar Gunnhild Myklebust på tlf. 48215686. 

Følg oss gjerne på Instagram eller Facebook for å bli betre kjent med oss eller les meir på fjordane.fhs.no.  

Vi ser fram til å høyre frå deg!  

Er du Fjordane Folkehøgskule sin neste kjøkken -og internatassistent i 50%- vikariat?

Tilkallingsvikar i ca 50% på Fjordane folkehøgskule frå 01.01.2025 

 Fjordane folkehøgskule søkjer ein engasjert medarbeidar som kjøkken- og internatassistent. 

Vi søkjer deg som er engasjert og ønsker å bidra til at alle får god mat og reine lokalar. 

Kven ser vi etter?

• Genuint opptatt av å lage mat med gode lokale råvarer. 

• Effektiv, blid og hyggeleg 

• Likar å jobbe i team 

• Punktleg og påliteleg. 

• Serviceinnstilt overfor elevar og kollega 

Dine arbeidsoppgåver vil vere: 

• Lage mat til elevane  

• Klargjering av matsalen før og etter måltidene 

• Enkel rydding og vasking 

• Klargjering av internatet til overnatting ved kurs og konferanse 

Skal du søkje?  

Send søknad  og CV på e-post til rektor@fjordane.fhs.no. Har du spørsmål kontakt Rektor Silvia van Hesik Førde på telefon 926 12 455.