Fellesfag
Fellesfaga er ein viktig arena for å møtast på tvers av linjene
Fellesfaga er ein viktig arena for å møtast på tvers av linjene. Dette er fag alle elevane har saman, og som både utfordrar og engasjerer. Danning er eit sentralt omgrep i folkehøgskulen og handlar om menneske si utvikling av personen, evner, kulturell forståing, innsikt og moral. Fjordane har fokus på berekraft og å nytte seg av det flotte nærområdet vårt. Her er noko av alt det kjekke du får vere med på:
Jul på Fjordane
Vi har eit felles prosjektarbeid som munnar ut i julemarknaden Jul på Fjordane. Heile Nordfjord er invitert til vår familievennlege julemarknad, der vi byr på mange fine førjulsaktivitetar. Vi lagar show, har barneriding, smådyrhjørne, sirkus- og vikingleikar, sal av handlaga produkt, kiosk og mykje meir. Overskotet blir delt mellom eit veldedig prosjekt og innkjøp på skulen som kjem elevane til gode. Sjå meir om “Jul på Fjordane” her.
Kor og dans
Sang og dans er ein del av fellesfaga på Fjordane. Gjennom året jobbar vi også med utvalde songar til skuleavslutninga.
Seminar
Vi leiger inn eksterne føredragshaldarar som tek opp viktige og interessante emne. T.d. Fairtrade, Rockens historie, Fremtiden i våre hender og seminar i forkant av TV-aksjonen som vi er med på kvart år. I tillegg til dette får de vere med teater og operaførestillingar i løpet av skuleåret.
Matauk og berekraft
På Fjordane har vi fokus på å tenke berekraftig, og på å vere medvitne på klimaavtrykka vi etterlet. Vi har ulike aktivitetar, seminar og temadagar for å lære meir om dette. Nordfjordregionen har mykje godt å by på, og vi haustar frå naturen rundt oss, og lagar mat og drikke av det. Døme på dette kan vere epleplukking, der vi pressar epla til vår eigen eplemost. Kjempegodt, kortreist og berekraftig.
Stipendiataktivitetar
Stipendiatane er tidlegare elvar som jobbar som miljøarbeidarar. Frivillig tilbod utover kveldane og i helgane held dei på med aktivitetar som leikar, spelkveldar, quiz, filmkveldar m.m.
Juleverkstad
På tvers av linene kan du velge mellom ei rekke førsjulsaktivitetar. Pynting av juletre, kakebaking, gløgg og julemusikk er med på å sette deg i den rette førjulsstemninga.
Elevkveldar
Omlag ein kveld i månaden arrangerer elevane elevkveld der dei sjølve er ansvarlege for å planleggje middag, dessert og underhaldning. Dei hjelper også til med matlaginga. Ofte vel ein eit tema for kvelden. Dømer på elevkveldar er kokkekamp, bryllaup og halloween.
