Drømmestipendet 2022: Tre av fire nominerte i sirkuskategorien kjem frå Fjordane
Vi gratulerer stolt Tuva Kristiansen, Emilie Sørbråten og Vaarin Pedersen med nominasjon til årets Drømmestipend! Alle tre er, eller har vore elevar ved nysirkuslinja Movement X – Modern Circus and Performing Arts dei siste tre åra.
Emilie frå Gran er tidlegare elev på sirkuslinja og dreiv med dans og turn før ho kom til Nordfjordeid. Ho elska å gå på sirkuslinja på Fjordane folkehøgskule frå fyrste dag! Emilie har etter kvart spesialisert seg i «Aerial Hoop» og drøymer mellom anna om å inspirere andre til å prøve nysirkus.
Tuva kjem frå Fredrikstad, er elev i årets kull og fordjupar seg i luftakrobatikk. Tuva seier at skulen gir henne moglegheit til å utvikle seg fysisk, teknisk og kreativt og at det som er magisk med nysirkus er potensialet til å kombinere akrobatikk, dans, luftakrobatikk, visuelle uttrykk og musikk i ei og same oppsetting.
Vaarin frå Sandefjord er tidlegare elev ved Fjordane folkehøgskule. Ho drøymer no om ei bachelorgrad i sirkus og performance art. Ho ønsker å finne sin plass i sirkusverda og utforske grenselandet mellom sirkus og teater.
Drømmestipendet er et samarbeidsprosjekt mellom Norsk kulturskoleråd og Norsk Tipping, som kvart år deler ut 50 stipend à 30 000 kr. Stipendet skal gi verdifull inspirasjon og anerkjenning, og bidra til at mange unge kunst- og kulturutøvarar får oppfylt draumane sine.
Les mei om nysirkuslinja på Fjordane folkehøgskule
Velkomen som elev til hausten. Søk no!
Les meir om Drømmestipendet