Ledig stilling som reinhaldar/kjøkkenassistent

Fjordane folkehøgskule har ledig stilling som reinhaldar/kjøkkenassistent i 35 % fast stilling frå 1. august 2021.

Vi søker ein person med godt humør, positiv innstilling, med gode samarbeidsevner, og som er glad i å arbeide med ungdom. På grunn av utleigeverksemd i sommarhalvåret er vi på jakt etter ein medarbeidar som kan tenke seg å jobbe ekstra på internat/kjøkken, og som kan stille som vikar ved sjukdom o.l. elles i skuleåret.

Søknadsfrist: 2. juni.

Fjordane folkehøgskule har ei heilt unik samansetning av linjer: Friluftsliv er ei reise gjennom årstidene, Movement X er den einaste nysirkuslinja i landet, Vikingliv har eige langhus og Musikal er lokale og internasjonale. Vi er størst på hest med to allsidige hestelinjer, Kunst/foto/glas/reise freistar mange og Bu og fritid er tilpassa dei elevane som treng ekstra tilrettelegging 

Vi ønsker gjennom ein meiningsfull kvardag å utfordre elevar og tilsette til å vere ansvarlege deltakarar i eit berekraftig fellesskap. Vi skal saman skape vårt beste år gjennom utvikling, glede og vennskap. 

Fjordane folkehøgskule ligg midt i Nordfjordeid, som igjen ligg midt i Stad kommune, heilt nord i Vestland. Nordfjordeid er handelssenteret i regionen, og skulen ligg i gangavstand til det meste.   

Nordfjordeid er ein pulserande tettstad som er kjent for eit rikt idretts- og kulturliv. Om sommaren kan du mellom anna oppleve ein av landets største og beste rockefestivalar, Malakoff. Gjennom året kan du få med deg både opera, teater og konsertar i Operahuset Nordfjord og Gymmen scene, som ligg like ved skulen.  

Naturen er tett på og det er kort veg både til surfestranda Hoddevik, lengst ut i kommunen vår, og til små og store naturopplevingar på fjellet, i skogen og ved fjorden i heile Stad. 

Arbeidsoppgåver 

• Arbeidsoppgåvene omfattar dagleg reinhald, periodisk reinhald og hovudreinhald av skulen sine lokale.  

• 4 timar per veke skal arbeidsoppgåvene vere knytt opp mot kjøkkenet og inneber førebuing av måltid. 

•  Stillinga inneber samarbeid og sjølvstendig arbeid.  

•  Arbeidstid etter nærmare avtale.   

Kvalifikasjonar 

• Fagbrev i reinhaldsfaget eller relevant erfaring er ønskeleg 

• Meistre norsk skriftleg og munnleg. 

• Vere innstilt på å arbeide i tråd med retningslinjer for reinhald, produkta og maskiner. 

• Gyldig politiattest må visast fram. 

Personlege eigenskapar 

• Godt humør, og gode samarbeidsevner med ungdom og vaksne. 

•  Lojal, positiv og høg arbeidsmoral. 

•  Må kunne jobbe strukturert og effektivt, både åleine og saman med andre. 

•  Bidra til eit godt arbeidsmiljø. 

•  God fysisk form. 

Vi tilbyr 

• Ei lærerik og utfordrande stilling i eit aktivt og spennande folkehøgskulemiljø. 

• Løns- og arbeidsvilkår i samsvar med lov- og avtaleverk. 

• Gode pensjonsvilkår.  

• Eit triveleg arbeidsmiljø. 

Kontaktinformasjon 

Nærare opplysningar om stillinga kan du få ved å vende deg til internatleiar Gunnhild Myklebust på telefon: 48215686. 

Ytterlegare informasjon om skulen: www.fjordane.fhs.no,  www.facebook.com/fjordanefhs og www.instagram.com/fjordanefhs  

Søknad med rettkjende kopiar skal sendast på e-post til: rektor@fjordane.fhs.no eller til Fjordane folkehøgskule, Boks 130, 6771 Nordfjordeid innan 2. juni 2021.