Ledig stilling som musikallærar og linjeleiar
Fjordane folkehøgskule har ledig ei 70-100 % fast stilling som lærar og linjeleiar på musikallinja frå 1. august 2021. Søknadsfrist: 20. mai.
Teacher and leader of the Musical line: Download the job advertisement in English (pdf)
Fjordane folkehøgskule har ei heilt unik samansetning av linjer: Friluftsliv er ei reise gjennom årstidene, Movement X er den einaste nysirkuslinja i landet, Vikingliv har eige langhus og Musikal er lokale og internasjonale. Vi er størst på hest med to allsidige hestelinjer, Kunst/foto/glas/reise freistar mange og Bu og fritid er tilpassa dei elevane som treng ekstra tilrettelegging
Vi ønsker gjennom ein meiningsfull kvardag å utfordre elevar og tilsette til å vere ansvarlege deltakarar i eit berekraftig fellesskap. Vi skal saman skape vårt beste år gjennom utvikling, glede og vennskap.
Fjordane folkehøgskule ligg midt i Nordfjordeid, som igjen ligg midt i Stad kommune, heilt nord i Vestland. Nordfjordeid er handelssenteret i regionen, og skulen ligg i gangavstand til det meste.
Nordfjordeid er ein pulserande tettstad som er kjend for eit rikt idretts- og kulturliv. Om sommaren kan du mellom anna oppleve ein av landets største og beste rockefestivalar, Malakoff. Gjennom året kan du få med deg både opera, teater og konsertar i Operahuset Nordfjord og Gymmen scene, som ligg like ved skulen.
Naturen er tett på og det er kort veg både til surfestranda Hoddevik, ytterst i kommunen vår, og til små og store naturopplevingar på fjellet, i skogen og ved fjorden i heile Stad.
Musikal West End
Musikallinja er eit flott tilskot til skulemiljøet, og eit viktig del av linjetilbodet vårt. Vi søker no etter ein samfunnsengasjert person med undervisningserfaring frå musikkteater, med særleg vekt på dans, teater og song. Stillingsprosenten vil vere avhengig av undervisningskompetansen innanfor dei tre retningane.
På musikallinja får elevane eit breitt og variert fagleg tilbod. Linjeleiaren påverkar sjølv mykje av innhaldet på linja, gjerne i samarbeid med elevane.
Arbeidsoppgåver
Ansvar for elevane og det heilskaplege tilbodet på musikallinja
Undervisning i song/dans/musikkteater, regi og koreografi
Ansvar for studietur for musikallinja
Samarbeid med andre linjer på skulen
Ansvar for planlegging og organisering av musikallinja
Store og små regioppgåver på linja
Tilsyn og sosialpedagogisk arbeid (turar, elevkveldar, skulearrangement, morgonsamlingar, etc.)
Undervisning i valfag
Kvalifikasjonar
Utdanning i musikkteater/musikal frå fagskule eller høgskule/universitet
Utøvarerfaring i musikkteater/musikal
Undervisningskompetanse i dans, musikkteater og song
Personar med anna utdanning kan også vurderast. Det blir lagt stor vekt på personlege eigenskapar.
Personlege eigenskapar
Trygg, engasjert og kreativ
Gode kommunikative evner
Trivst med å arbeide med unge menneske
Sjølvstendig og ansvarsbevisst
Gode samarbeidsevner
God på planlegging og organisering
Fleksibel og løysingsorientert
Vi tilbyr
Ei lærerik og utfordrande stilling i eit aktivt og spennande folkehøgskulemiljø
Løns- og arbeidsvilkår i samsvar med lov- og avtaleverk
Gode pensjonsvilkår
Eit triveleg arbeidsmiljø
Kontaktinformasjon
Nærare opplysningar om stillinga får du ved å vende deg til rektor Silvia van Hesik Førde på telefon: 92612455.
Ytterlegare informasjon om skulen:
Søknad med rettkjende kopiar skal sendast på e-post til: rektor@fjordane.fhs.no eller til Fjordane folkehøgskule, Boks 130, 6771 Nordfjordeid innan 20. mai 2021.