Kunst - Foto - Glas - Reise
Maleri, teikning, linotrykk, leire, glasfusing, sying og eksperimentering!
Dette er kunstlinja for deg som likar å utforske, vil prøve ut eller fordjupe deg i ulike materialar, idear og ditt visuelle biletspråk. På Fjordane får du skape dine eigne kreasjonar med kunstnarisk friheit i tilrettelagde arbeidsrom.
3. januar startar vi opp halvårskurset for våren 2023.
Velkomen til eit halvår på Fjordane!
På kunstlinja arbeider vi med ulike tema og material frå veke til veke. I keramikkrommet, i teikne- og malesalen, på trykkpressa, på glasrommet eller i syrommet med redesign.
Det er praktiske introduksjonar i alle tema, så du treng ingen forkunnskapar. Har du erfaring får du anledning til å vidareutvikle deg, og får tid til sjølvstendige prosjekt, der du kan arbeide meir med det du likar best.
I mai set vi opp ei utstilling, og du reiser heim med ulike utprøvningar, kunstverk og produkt du har laga.
Kvifor velje Fjprdane?
- Keramikk med dreiing, moddelering og glasering
- Akrylmaleri, teikning, linotrykk og mixed media
- Glassfusing til skåler, smykker, motiv eller dekor
- Redesigne eller sy nytt etter mønster
- Bevisstheit på gjenbruk, miljø og bærekraft
- Utforsking og eksperimentering
- Opne arbeidsrom på kveldane
- Kunstnarbesøk, utstillingar, linjeturar og fellesturar
- Skreddarsy din timeplan med ulike valfag
- Ein skuledag fylt med praktisk arbeid, utfordringar, skaparglede og fellesskap
Linjetur med tog til Europa
I fellesskap skal vi planlegge linjetur med tog til europeiske byar. Du kan gle deg til nye kulturopplevingar, verdskjende museum og historiske sjåverdigheiter. Ved å bruke tog som framkomstmiddel får vi både sett og opplevd mykje, samstundes som vi reiser på ein mest mogleg miljøvennleg måte. I tillegg er ei togreise ein super måte å bli enno betre kjend med kvarandre på!
Reiser – ut og hente ny inspirasjon
Vi reiser på kunstnarbesøk, utstillingar, korte og lengre turar med linja, i tillegg til fellesturar i fantastisk natur.
- Studietur til Ålesund, Bergen eller Oslo
- Besøk til lundefugl-øya Runde eller andre naturperler
- Fellesturar med heile skulen til surfestranda Hoddevik, leirstaden Krokpollen og vintertur til Stigedalen.
Vi brukar alle linjeturane våre til å få med oss mykje inspirasjon og idear heim igjen, men like viktig er det at dette er reiser du gjer ilag med medelevane dine, som gir deg opplevingar og minne for livet!
Linjelærar Sigrid Bjørkedal
Sigrid har kunstutdanning med hovedfokus på maleri, frå England og Norge.
Etter å ha jobba som kunstnar, kunstlærar og galleriarbeidar i Oslo i nokre år tok ho friluftslivsutdanning og vart reiseleiar og guide i mellom anna Norden. I fleire år var ho for det meste på tur!
Dei siste åra har ho levd og jobba meir lokalt, blitt hobbydyrkar av eigne grønnsaker, plukkar sopp og bær, og har eit mindre atelier i huset sitt.
“Eg balanserer mellom alle interessene mine innan kunst, kultur, natur og reise + menneske og dyr og heile livet. Eg har alltid lyst å lære nye ting på vegen!
Eg har sjølv gått på folkehøgskule i Hardanger og gler meg til å bli kjend med deg!”
Redesign og sy nytt
Vi set pris på å kunne bruke gjenbruksmaterialar eller restmaterialar, eller naturmaterialar der det er mogleg. Vi ønsker å ha ein refleksjon over berekraft i det vi forbrukar og produserar. Dette prøvar vi ut i praksis når vi har redesign som tema.
Valfag
På Fjordane har du stor frihet til å skape din eigen timeplan. Du må ha minimum 2 valfag i kvart semester, men du kan velje fleire. Valfaga får du vere med på i tillegg til linje- og fellesfagtimar kvar veke.
Relevante valfag kan vere redesign tekstil, vikingliv, salmakar (lær) foto, PR, årbok eller strikking. Andre valfag kan vere aktivitetar som yoga, klatring, fjellturar, hest, sirkus, musikal eller surf.
Make it stand out
Å møte andre elevar frå heile landet, som har dei same interessene, gir eit heilt unikt fellesskap og læringsmiljø. Du blir motivert, inspirert og kan utveksle idèar til nye prosjekt.
Er du interessert i å utforske andre tema eller materialar, som ull, såpelaging, dyrking, kroki eller performance? Eller har du lyst på eit samarbeidsprosjekt med elevar på andre linjer? Snakk med oss - vi tilpassar gjerne frå år til år!
Den prossessen du går igjennom i løpet av året er nyttig, sjølv om du kanskje ikkje har planer om å gjere dette faget til eit yrke. Du lærer både å arbeide sjølvstendig og samarbeide rundt større prosjekt som “Jul i Stallen”. Dette er noko du får bruk for ved seinare yrkesvalg.
Vil du fortsette med kunstfaget etter året på folkehøgskule, hjelp vi deg med å bygge opp portfolio til søknad til høgskule.
Om du vil bli kunstnar, arbeide i kreative yrke, eller vil investere eit år i deg sjølv: Velkomen til Fjordane!
Har du spørsmål om linja? Bruk kontaktskjemaet eller ring oss på 57 88 98 80.